حتى يكون المنزل ملائم للطفل Child friendly home

طبعا كلنا عارفين مقولة " الانطباع الاول يدوم " 

المنزل هو اللى هايدى الانطباع الاول للطفل عن العالم الجديد اللى هو مقبل عليه

ف لازم يكون مصمم بحرص عشان يلائم توقعات و تطلعات الطفل مع الاخذ فى الاعتبار امن و سلامة الطفل

>

>

بصوا كده على الاثاث اللى موجود فى الشقة ... كل الاحجام دى مصممة خصيصا لاستخدام الكبار !!

الحوض - الحمام - ترابيزة السفرة - الانتريه - السراير

الاطفال اصغر بكتير من انهم يستخدموا الحاجات دى 

عشان كده لازم نجرى بعض التعديلات و نحط بعض الاضافات عشان تكون الحياة ملائمة ليهم 

اهم حاجة ناخد بالنا منها 

1- ان البيت يكون منظم و معروف مكان كا حاجة لان ده بيساعد الطفل انه واثق و معتمد على نفسه 

2- انه يكون فيه حس جمالى يجذب انتباه الطفل و يخليه يحبه

و بدل مانكون قلقانين دايما على سلامة الطفل ف نقيد حركته فى السرير اللى بحواجز ولا نقعده ف كرسى الطعام او المرجيحة مربوط فيهم .. نحاول اننا نخلى البيئة اللى حواليه نفسها آمنة عليه لو سبناه يتحرك فيها بحرية

لان كل مرة بنقيد فيها حركة الطفل خوفا عليه .. هى ف الحقيقة فرصة بتضيع منه انه يطور تناسق حركة عضلاته و قوتها ، غير الخبرات الحسية اللى بيفقدها لما نمنعه انه ينخرط فى عمل ما

.
.

و سهل نوفر بيئة آمنة للطفل ف المنزل عن طريق اتباع الارشادات دى :

1- نغطى كل مداخل الفيش الكهربائية بالاغطية المخصصة ليها

2- نستخدم حاجز الابواب و السلالم زى كده

 بدل ما نستخدم حاجز اللعب اللى زى ده

 و بالتالى نوفر له مساحة اكبر يتحرك فيها

.
.

3- مانسيبش اى اسلاك ع الارض او فى متناول الطفل و نخليها مرفوعة دايما او نستخدم اغطية الاسلاك دى

.
.
.

4- معظم نباتات الزينة المنزلية بتكون سامة لو حد اكلها .. يبقى نتخلص منها

.

.

.

5- نقفل الدواليب اللى جواها حاجات خطر زى الشوك و السكاكين و المنظفات و الادوية و هكذا 

.
.
.

6- ممكن نستخدم قفل البوتجاز ده عشان الغاز

.

.

.
.
7- حواف الترابيزات الحادة ممكن نحميه منها كده

.
.

8- الحمام مصدر خطر دائما عشان الانزلاق .. خلى الباب مقفول طالما احنا مش موجودين مع الطفل فيه

.
.
.

كام حاجة من الحاجات دى موجودة عندكم فعلا؟
و ايه ارشادات اخرى اتبعتوها من اجل امان اطفالكم ؟ 
مستنية تعليقاتكم

و فى تدوينات قادمة ان شاء الله

هانتكلم عن غرفة غرفة من غرف المنزل ازاى نخليها ملائمة للطفل على طريقة منتسورى

تابعونى :)

تحديث : غرفة نوم الطفل بالتفصيل فى هذا الرابط

اضغط هنا